Jæja.. ég tók myndarskapinn á þetta í dag. Steig fram úr rúminu teigði mig og geispaði á móti sólinni sem skein gegnum blúndurnar svo skært svo skært. Fékk skemmtilegt símtal.. sauð mér graut og setti hnetur útá í tilefni af sunnudeginum. Sturtaði mig og klæddi í gulan kjól með hvítum blómum. Með sumar í hjarta og sunnudagskapið í hávegum bauð ég Brynju, Valla og börnum í eplaköku. Tíndi epli úr garðinum og tók myndir af draumahúsinu. Hlustaði á Amelie og hlakkaði til morgundagsins.. það geri ég enn :) Ég ákvað að deila hamingjunni með ykkur og setja inn myndir frá því í dag. Ég ætlaði að láta fylgja frá því í gærkvöldi líka en blogger fór í fílu við mig og ég nenni ekki að dekstra hann. Tékka hvort ég geti ekki sett myndir á myndasíðuna mína í staðinn.. og þá heila hrúgu :)


Götuskiltið mitt


Ég með bleikt í bakgrunn


Bleika barbiehúsið


Hversu dásamleg er náttúran?


..oh og sólin!

Lífið er marssósa.